sababu moja au zaidi kati ya sababu tano nitakazozielezea katika chapisho hili. Sababu hizi ndizo sababu kuu zinazowafanya wengi wa wanablog kuanzisha blog. Sababu hizi ni kwa wanablog wengi bila kujalisha aina ya mada anayoizungumzia iwe siasa, biashara, afya, elimu ama hata blog ya picha tu.
Kabla ya kuanzisha blog, tafakari ni sababu
ipi inayokufanya utake kuwa mwanablog. Je malengo yako ya muda mrefu na mfupi
ya kuwa mwanablog yanaendana na sababu inayokufanya uwe mwanablog? Hakikisha
kuwa sababu inayokufanya kuwa mwanablog inaendana na malengo yako kinyume na
hapo kuna uwezekano mkumbwa blog yako ikashindwa kufanya vyema katika ulimwengu
wa blog.
1. Kublog kwa ajili ya burudani na kujifurahisha
Kuna idadi kubwa ya blogs zilizoanzishwa si
kwa sababu nyingine ila kumfanya mwanablog kufurahi ama kufurahisha na
kuburudisha watu wengine. Miongoni mwa blog zinazoingia katika kundi hili ni
blog za vichekesho, blog zinazozungumzia wasanii maarufu, blog za michez, blog
za sanaa, blog zinazotokana na vitu anavyopendelea mtu (hobby), baadhi ya blog
za utalii na blog za picha. Nyingi za blog zinazozungumzia mada hizi huwa ni
kwa ajili ya kujifurahisha na kufurahisha wengine. Pamoja na hayo pia zipo
zinazozungumzia mada hizo lakini zimeanzishwa kwa sababu nyingine tofauti na
hiyo.
Mifano ya blog hizo ni kama vile;
chekavichekesho.wordpress.com, (kama unayo blog ya aina hii wasiliana nasi
tuitaje hapa)
2. Kublog kwa ajili ya Netiweki na kujinadi
Baadhi ya watu huanzisha blog ili waweze kufahamika
kuwa ni wenye utaalamu juu ya jambo fulani hivyo kupanua mitandao yao kwa
kufahamiana na wataalamu wengine katika nyanja husika. Kupitia blogs zao, huweza
kuonyesha utaalamu wao na kufikia watu wengi katika mtandao. Kupanuka kwa
mitandao yao kutokana na maudhui ya blog yao kuwafikia watu wengi huweza
kuwapatia fursa za kazi ama biashara.
Kwa mfano mhandisi wa nyumba mwenye kampuni
yake binafsi anaweza kuanzisha blog inayozungumzia nyumba ama majengo ili aweze
kuonyesha ujuzi wake na kujipatia fursa za biashara. Pia mpishi mkuu wa hoteli
fulani anaweza kuanzisha blog inayozungumzia mapishi ili kukuonyesha ujuzi wake
na kuweza kupata fursa ya kazi yenye maslahi mazuri zaidi naye. Hawa huweza
kutimiza malengo yao kwa urahisi zaidi ikiwa wataunganisha jitihada zao za
kublog pamoja na mitandao kama vile linkedin, twitter, google+ na facebook.
Mifano ya blog hizi ni kama vile: ... (kama
unayo blog ya aina hii wasiliana nasi tuitaje hapa)
3. Kublog kwa ajili ya Biashara au uchochezi (Cause)
Baadhi ya blogu huanzishwa ili kuzipa nguvu
bidhaa, biashara ama mashirika yasiyo ya faida. Maudhui ya blog yanaweza
yasiitangaze bidhaa, biashara ama shirika moja kwa moja ila huweza ikawa
imefungamana na tovuti, bidhaa, biashara ama shirika husika. Blog hizi huweza
kutumika kutoa taarifa juu ya hizo bidhaa ama shirika na kuliwezesha shirika
kupata mitazamo ya wateja wake kupitia blog hizo.
Blog nyingi zinazoingia katika kundi hili ni
zile zinazoanzishwa na makampuni ama mashirika husika.
Mifano ya blog hizi ni kama vile: ... (kama
unayo blog ya aina hii wasiliana nasi tuitaje hapa)
4. Kublog kwa ajili ya Uandishi wa Habari
Watu wengi huanzisha blog ili waweze kuwa
kama waandishi wa habari wa raia. Wao huandika habari kuhusu matukio
yanayotokea kila siku katika jamii yao ama hata kuhusu jamii ya kimataifa.
Habari hizi huweza kuwa katika tasnia maalum kama vile siasa, michezo na uchumi
ama huweza kuwa ni habari za jumla zinazojili kila siku. Blog zinazoanzishwa
kwa sababu hii ndizo zimekuwa nyingi zaidi nchini Tanzania, na Kenya kuliko
zinazoanzishwa kwa sababu nyingine.
Mifano ya blog hizi ni kama vile: ... (kama
unayo blog ya aina hii wasiliana nasi tuitaje hapa)
5. Kublog kwa ajili ya Elimu
Baadhi ya watu huanzisha blog kwa ajili ya
kuelimisha jamii juu ya mada fulani. Kwa mfano blog inayoelezea jinsi ya
kuanzisha blog ama namna ya kutangaza blog yako hiyo ni blog inaweza ikawa ni
miongoni mwa blog iliyoanzishwa kwa ajili ya kuelimisha.
Mifano ya blog hizi ni kama vile: ... (kama
unayo blog ya aina hii wasiliana nasi tuitaje hapa)
Post a Comment